Қазақтың ұлы ойшылы, бас ақыны Абай (Ибраһим) Құнанбайұлы шығармаларының екі томдық толық жинағының екінші томына оның қара сөздері («Тасдиқ» жəне «Ғақлия» атты кітаптары), аудармалары, поэмалары, сондай-ақ, тарихи еңбектері еніп отыр. Аталмыш шығармашылық жанрлар «Түсініктер» бөлімінде шаблонсыз, трафаретсіз, жаңаша танымдық тұрғыдан пайымдалды. Əр шығарманың пəлсапалық мəні мен мағынасын ашуға айырықша көңіл бөлінді. Сонымен бірге, түсініктерде алуан түрлі деректер молынан қамтылды. Кітап «Қабыл көрсе сөзімді, кім таныса сол алсын» деп өзі айтқандай, Абай сөзін ардақ тұтатын қалың жұртшылыққа арналған.