Ұсынылып отырған кітап дарабоз күйші, қазанғаптанушы, Қазақстанның еңбек сіңірген қызметкері Бақыт Басығараевтың репертуарында болған әндер мен жыр-термелерге арналды. Бұл – музыкалы-этнографиялық бағытта жазылған еңбек. Осы жинақты шығарудағы негізгі мақсат – күйшінің 90 жылдығы аясында оның орындаған ән-жырларын сөздерімен қоса нотаға түсіріп, өнер сүйер қауымға қайтару, болашақ орындаушылармен қауыштыру. Кітаптың басында әулет тарихы берілсе, соңында өнер адамдарының жазған кейбір естеліктерін де оқуға болады. Бұл жинақ ән сүйер қауымға, музыкалық оқу орындарының ұстаздары мен студенттеріне және өнер зерттеушілерге арналады.