Монографияда Қазақстан Республикасындағы мемлекеттік тілдің заңдық мәртебесінің қалыптасуы мен дамуы, қазіргі жай-күйі мен ерекшеліктері, оның қолданысын құқықтық реттеудегі кейбір өзекті мәселелер талданды.

Ғылыми жұмыс барысында тіл қолданысын заңдық реттеуде кездесетін негізгі теориялық мәселелердің бірі – «мемлекеттік тіл» және «ресми тіл» ұғымдарының ара қатынасы ашылды.

Тіл саясатының отандық және шетелдік тәжірибесінің маңызды тұстары зерделеніп, мемлекеттік тіл ұғымының ғылыми анықтамасы ұсынылды.

Қазақ тілінің құқықтық мәртебесінің қалыптасуы кеңес дәуірінен бастау алғандығы, оның алғашқы кезеңі ана тіліміздің қоғамдық қызметтерін дамыту үшін қолайлы болғандығы жөнінде тұжырымдар жасалды.

Қазіргі уақытта мемлекеттік тілдің қолданыс аясын кеңейтіп, конституциялық-құқықтық мәртебесін шынайы іске асыруға бағытталған теориялық және практикалық маңызы бар ұсыныстар әзірленді.

Жоғарғы оқу орындарының білім алушыларына, профессорлық-оқытушылық құрамына, мемлекеттік қызметшілерге және қазақ тілінің құқықтық жағдайын зерттеумен айналысатын ізденушілерге арналған.