К. С. Станиславский мен В. И. Немирович - Данченко негізін қалаған, кәсіптік актерлік шеберлікті шыңдаудың тәсілдік жүйесіне, театр мектебі оқытушыларының, радио мен теледидар дикторларының іс-тәжірибелеріне, сонымен қатар қазіргі заманғы лингвистика, физиология және психология салаларының озық үлгісіндегі теориялық талдауларға табан тіреп жазылған бұл еңбекте - ұстаздық, дикторлық қызмет еткен 42 жыл ішінде тіл техникасына баулудың қыр-сырын жетік меңгерген автор - дем мен дауысты тәрбиелеп дамытудың, тіл ұстартудың, сөз әрекетінің элементтерін меңгерудің сара жолдарын ұсынады. Оқу құралына, адам анатомиясы мен физиологиясын терең зерттей, Шығыс ілімін тиянақты зерделей жүріп іріктелген, іс жүзінде өзінің оңды нәтижелерін берген жаттығулар енгізілген. Автор еңбегі театр мектебі оқытушылары мен студенттеріне, актерлар мен режиссерларға, дикторлар мен лекторларға арналған.