Автор-ұлттық сахнамыздың сыр-сипаты оның көрнекті қайраткерлерінің творчествосы жөнінде бұдан бұрын да бірнеше кітап жазған белгілі театр сыншысы. Сыншы қолымыздағы кезекті кітабын ұлттық театр өнеріміздің өткен тарихы, алғашқы адымдары мен бүгінгі таңдағы қол жеткен табыстары, актерлік, режиссерлік бағыттағы ізденістері, қазақ сахнасында қойылған спектакльдердің көркемдік шешімдері жайында жазылған зерттеулер мен мақалалардан, сын-рецепзиялардан топтастырған. Сонымен бірге мұнда облыстық қазақ драма театрларының бүгінгі хал-ақуалы, кезеңдік спектакльдері; қазіргі режиссурамыздың бағыт-бағдары, ізденістері; танымал драматургтер мен режиссерлер творчествосына талдаулар, актерлер шеберлігі жөніндегі мақалалар да енген. Кітап театр мамандарына, сондай-ақ өнер сүйген жалпы оқырмандарға арналған. Кітап 1981 жылы "Өнер" баспасынан жарық көрген түпнұсқа мәтінімен басылды.