Ұсынылып отырған оқу құралы жалпы паразитология, гельминтология, арахнология, протозоология және энтомология туралы түсініктер жайында. Олардың шығу тегі, жіктелуі, жануарларға тигізетін әсері, індеттік ерекшеліктері, таралуы және халық шаруашылығына келтіретін экономикалық зияны туралы жазылған. Пәннің оқу құралында елімізде кең тараған инвазиялық аурулар туралы толық мағлұмат беріледі. Сондай-ақ инвазиялық ауруларды анықтау, емдеу, ветеринариялық санитариялық шаралар ұйымдастыру, ауруларға қарсы қолданылатын дәрі-дәрмектер, оларды қолдану әдістері қамтылған. Оқу құралы ветеринариялық жоғарғы оқу орындарының студенттеріне, магистранттарына және ауыл шаруашылық мамандарына, ғылыми қызметкерлеріне арналған.