Оқулық жоғары және арнаулы білім беретін оқу орындарының студенттеріне, магистранттарына және доктаранттарына, шаруашылықтардағы мал дәрігерлеріне, ветеринарлық медицина, ветеринарлық санитария, ветеринарлық экология, өнім өндіру және өңдеу мамандықтарына арналған. Оқулық үш бөлімнен тұрады: жалпы токсикология, жеке токсикология және өсімдіктер токсикологиясы. Жалпы токсикология бөлімінде улардың әсерінің жалпы заңдылықтары, олардың токсикодинамикасы мен токсикокинетикасы, организмдегі жалпы патологиялық өзгерістер және басқа да мәселелер жайлы айтылса, жеке токсикология бөлімінде әрбір жеке улы заттың физикалық, химиялық қасиеттері, ал, өсімдіктер токсикологиясы бөлімінде улы өсімдіктердің мал ағзасына уытты әсер ету механизмі жайлы жан – жақты, егжей – тегжейлі сөз болады.