Бұл оқу құралы жоғары кәсіптік білімнің мемлекеттік стандартына және инженер-техникалық мамандықтардың физика пәнінің типтік бағдарламасына сәйкес жазылды. Кітаптағы зертханалық жұмыстардың мазмұны мен көлемі техника-технологиялық жоғары оқу орындарының кредиттік оқыту сағатына орай физиканың негізгі бөлімдерін қамтыды. Ұсынылып отырған оқу құралының ерекшелігі: 1. физиканың барлық бөлімдерінің зертханалық жұмыстары бір кітапқа топтастырылды, 2. барлық жұмыстардың қысқаша теориалық мағлұматы берілді, 3.қ ұралдар мен қондырғылардың құрылысы, жұмыс істеу принципі толық байандалды, 4. жұмысты орындау алгоритмі нақты жазылды, 5.тапқалы отырған физикалық шамаларды өлшеу кезіндегі жіберілген қателерді есептеуге ықтималдық теориасы және математикалық статистиканы қолданып күрделілендірмей, орта мектеп курсынан таныс қарапайым әдістің ұсынылуында. Оқу құралы техника ғылымдарының докторы, физика профес- соры М(Л).Б. Бектеновтың жоғары оқу орындарында көп жылғы педагогикалық жұмыстарының нәтижесі және бұдан бұрын жазылған физиканың төрт оқулығы, 2005 жылы ҚР Білім және ғылым министр- лігі өткізген оқулықтар мен оқу құралдарының Республикалық конкурсының бас жүлдесін, әрі грантын алған жоғары техникалық оқу орындарына арналған «Физика есептерін шығару» оқулығы негізінде жазылды.