«Көңіл күмбезі», «Роза» атты жыр жинақтары арқылы өлең өлкесінде өзіндік өрнекті қолтаңбасы бар, қазақ әдебиетіне айтары бар бір ақын қыздың келгенін дәлелдеген Роза Сұлтанәлиеваның бұл кітабы - батыл ой-толғаныстырға толы азаматтық лирика. Кітап екі бөлімнен тұрады. Бірінші бөлімге тәрбиелік мәні зор ойлы да сыршыл өлеңдері, балладалары мен топтамалары енген. Жинақтың екінші бөліміне сан тақырыпты қамтыған құрылымдық, әуендік ерекшеліктері бар 70-шақты ән мәтіндері топтастырылған. Ақынның таудан аққан бұлақтың суындай мөлдіреген поэзиясы сөз қадірін білетін көпшілікті өзіне баурап алады. Кітап жыр сүйер қалың оқырманға арналған.