Кітапта екі жарым мыңдай рубайлар бар. Оның әрқайссысы өмірден алынған, өмір иірімінен қайнап шыққан. Аңғалдық пен адалдық, батылдық пен елдік ақын жырларынан аңқып тұр. Әр рубай тылсым сырларымен ерекшеленді, көкіректерге ой салып, көңілдерді көтеріп, даланың дархандығын көз алдына әкеледі. Тосындай ырғатылып, теңселе тербетіліп, кемерінен төгілген ақын жырлары кейде ерекше жалындаған өрлікпен, кейде сыңғырлай аққан сырмен астасып жатады. Әрбір рубай құдыретті әлемнің саф ауасымен демалдырып, бойыңды еріксіз рахатқа бөлейді.